czwartek, 24 kwietnia, 2025

Kaszëbsczi Spikrz Pamiãcë. Pòdzelë sã òpòwiescą!

Kaszëbsczi Spikrz Pamiãcë to archiwùm wërzekłi historie, co gromadzy wspòminczi nôstarszégò pòkòleniô mieszkańców Kaszëb. Nagróné wspòmnienia są w Muzeùm Pismieniznë i Mùzyczi Kaszëbskò-Pòmòrsczi w Wejrowie. Dzélë òpòwiesców są pùblikòwóné na internetowi stronie projektu.

Pòkôzałë sã nowé wspòminczi!

Jiréna Rzepa z Dãbògòrzégò baro dobrze pamiãtô II swiatową wòjnã, w tim m. jin. nalot Niemców na Gdiniã. Czej na Kaszëbë przëszlë Ruscë, mia wnetka 8 lat. Gôdô ò nich tak: „Ruscë zachòwiwelë sã jak zwiérzãta – rozmielë sã wësrac na wëstrzódkù jizbë. Białczi wëłë z przerażeniégò”.

Brunon Zalewsczi z Egiertowa òpisëje zabawë pòd szadim bùkã, co rósł czedës w lese krótkò Hopòwa. Béł to plac, gdze spòtikelë sã i bawilë lëdzë z rozmajitëch strón. W trąbë grelë mùzykańcë, a tańcowelë tak, że to le chmarã dëmù dało!

Dwie nowé, czësto jiné historie, co prowadzą pò drogach czësto jinëch wseczëców.

Zazdrzë na stronã: https://spichlerzkaszubski.pl/page/osoby.php

Projekt Kaszëbsczi Spikrz Pamiãcë pòwstôł dzãka ùdëtkòwieniémù ze strzódków Mùzeùm Historie Pòlsczi a Pòwiatu Wejrowsczégò w òbrëmienim programù „Patriotyzm Jutra”. Robi nad nim Mùzeùm Pismieniznë i Mùzyczi Kaszëbskò-Pòmòrsczi w Wejrowie, ale jegò rozwij zanôlégô przede wszëtczim òd wajich chãców i bëcym w pòszëkù do dzeleniô sã swòjima òpòwiescama! Pòdzelë sã tej òpòwiescą!

ZOSTAW ODPOWIEDŹ

Proszę wpisać swój komentarz!
Proszę podać swoje imię tutaj

Pod naszym patronatem

Optymalizacja zarządzania zbiorami muz...

Muzea na całym świecie stawiają czoła rosnącym wyzwaniom związanym z efektywnym...

Zdarzenia muzealne – Maj 2025

Serdecznie zapraszamy do uczestnictwa w zdarzeniach muzealnych odbywających się...

Wernisaż wystawy czasowej — „Mag...

Zapraszamy na rodzinną wystawę do Galerii Śluza!

Leonardo. Zbliżenia

Leonardo da Vinci to najbardziej znany artysta w historii. Ten wszechstronnie u...

EKSPOZEO – uniwersalny pomocnik ...

EKSPOZEO to wyposażony w wiele funkcjonalności system, który pomoże muzeom i in...